ഗായത്രിദേവിയും ഗായത്രി മന്ത്രവും അതിന്‍റെ മാഹാത്മവും
ആത്മവിശ്വാസം വര്‍ദ്ധിക്കാനും ജീവിതം നല്ല മാര്‍ഗ്ഗത്തിലൂടെ നയിക്കാനും ഗായത്രീമന്ത്രം സഹായിക്കുന്നു. ഗായത്രീമന്ത്രം മനുഷ്യനെ സര്‍വ്വ പാപങ്ങളില്‍ നിന്നും മുക്തമാക്കുന്നു. തമിഴ്നാട്ടില്‍ ചിദംബരത്തെ കഞ്ചിത്തൊട്ടി എന്ന സ്ഥലത്താണ് ഗായത്രീദേവിക്കായുളള തമിഴ്നാട്ടിലെ ഏകക്ഷേത്രം സ്ഥിതി ചെയ്യുന്നത്.
ലോകം ചലിക്കുന്നതിനും പ്രവര്‍ത്തിക്കുന്നതിനും കാരണം സൂര്യനാണ്. ആ സുര്യന് ശക്തിപകരുന്ന ദൈവമാണ് ഗായത്രി. ഓം എന്ന പ്രണവമന്ത്രത്തിന്‍റെ അകപ്പൊരുളായവളും ജീവജാലങ്ങളിലെല്ലാം ശ്വാസമായി വര്‍ത്തിക്കുന്നവളും ഗായത്രിതന്നെ. ഗായത്രിയെ വേദമാതാവെന്നും വിളിക്കുന്നു. ഗായത്രിക്ക് തമിഴ്നാട്ടിലെ ചിദംബരത്താണ് പ്രത്യേക ക്ഷേത്രം ഉളളത്. ആ ക്ഷേത്രത്തിന്‍റെ ഉല്‍പ്പത്തിയെക്കുറിച്ച് ഒരു കഥയും നിലനില്‍ക്കുന്നു.
പാപമകറ്റാന്‍
ഏതാണ്ട് അഞ്ഞൂറ് വര്‍ഷം മുന്‍പ് ചോള രാജാക്കന്മാരിലൊരാള്‍ ഒരു യുവതിയെ കൊന്നു. അതുകൊണ്ട് രാജാവിന് സ്ത്രീഹത്യാ ദോഷമുണ്ടായി. പാപപരിഹാരം തേടി രാജാവ് പല പുണ്യസ്ഥലങ്ങളിലും തീര്‍ത്ഥാടനം നടത്തി. അദ്ദേഹത്തിന്‍റെ തീര്‍ത്ഥാടനത്തിനിടെ ആന്ധ്രയിലുളള ഒരു അന്തണനെ കണ്ടുമുട്ടി. അദ്ദേഹം ഗായത്രിമന്ത്രം ജപിച്ച് രാജാവിന്‍റെ ദോഷമകറ്റി. സന്തുഷ്ടനായ രാജാവ് പ്രത്യുപകാരമായി താന്‍ എന്താണ് ചെയ്യേണ്ടതെന്ന് അന്തണനോട് ചോദിച്ചു. തനിക്കൊന്നും വേണ്ടെന്നും ഗായത്രിക്ക് എവിടേയും പ്രത്യേക ക്ഷേത്രമില്ലാത്തതിനാല്‍ രാജാവെങ്കിലും ഒരു ക്ഷേത്രം പണിതാല്‍ കൊളളാമെന്നും അദ്ദേഹം അറിയിച്ചു.
അന്തണന്‍ ആവശ്യപ്പെട്ട പ്രകാരം രാജാവ് പഞ്ചഭൂതങ്ങളില്‍ ആകാശത്തെ സങ്കല്പിച്ചിട്ടുളള സ്ഥലമായ ചിദംബരത്ത് ഗായത്രീദേവിക്കൊരു ക്ഷേത്രം പണിയിച്ചു. ഗായത്രി എന്ന പദത്തിന്. തന്നെ അഭയം പ്രാപിക്കുന്നവരേയും, തന്‍റെ നാമം ഉച്ചരിക്കുന്നവരേയും മഹാപാപങ്ങളില്‍ നിന്നും രക്ഷിക്കുന്നവള്‍ എന്നും അര്‍ത്ഥമുണ്ട്. നിത്യവും മൂന്നുനേരമെങ്കിലും ഗായത്രീമന്ത്രം ജപിച്ചാല്‍ ജീവിതത്തില്‍ എല്ലാ ഐശ്വര്യവും ഉണ്ടാവുമെന്നാണ് വിശ്വാസം. മഹര്‍ഷിമാരും, ജ്ഞാനികളും തുടര്‍ച്ചയായി ഗായത്രിമന്ത്രം ജപിച്ചു പോന്നിരുന്നു. അങ്ങനെ കാലം, നേരം ഇവ കണക്കാക്കാതെ സദാ ഗായത്രീമന്ത്രം ജപിക്കയാല്‍ അവരുടെ മനസ്സില്‍ ഒരു സ്വരൂപം പ്രത്യക്ഷപ്പെട്ടു. അപ്രകാരം കിട്ടിയ രൂപമാണ് ഗായത്രിദേവിയുടേത് എന്നും പറയാറുണ്ട്. ഗായത്രിക്ക് ചെന്താമരപ്പൂക്കളാല്‍ അര്‍ച്ചനചെയ്യുന്നതാണ് ഏറ്റവും സവിശേഷം.
മന്ത്രമഹാത്മ്യം
ആത്മവിശ്വാസം വര്‍ദ്ധിക്കാനും ജീവിതം നല്ല മാര്‍ഗ്ഗത്തിലൂടെ നയിക്കാനും ഗായത്രീമന്ത്രം സഹായിക്കുന്നു. ഋഗ്വേദത്തിന്‍റെ മൂന്നാമത്തെ മണ്ഡലത്തിലാണ് ഗായത്രീമന്ത്രത്തെക്കുറിച്ച് പറയുന്നത്.
ഗായത്രീമന്ത്രം
ഓം ഭൂര്‍ ഭുവസ്വ ഃ
തത് സവിതുര്‍വരേണ്യം
ഭര്‍ഗ്ഗോ ദേവസ്യ ധീമഹി
ധിയോ യോനഃ പ്രചോദയാത്
ലോകമെങ്ങും പ്രകാശം പരത്തുന്ന സൂര്യനെ വണങ്ങൂ. ദുഃഖവും വേദനയും മാറി, ജ്ഞാനം വര്‍ദ്ധിച്ച് ദൈവികത്വം ഉണ്ടാവും എന്നതാണ് ഇതിന്‍റെ പൊരുള്‍. ഗായത്രീമന്ത്രം മനുഷ്യനെ സര്‍വ്വ പാപങ്ങളില്‍ നിന്നും മുക്തമാക്കുന്നു.
തമിഴ്നാട്ടില്‍ ചിദംബരത്തെ കഞ്ചിത്തൊട്ടി എന്ന സ്ഥലത്താണ് ഗായത്രീദേവിക്കായുളള തമിഴ്നാട്ടിലെ ഏകക്ഷേത്രം സ്ഥിതി ചെയ്യുന്നത്.
Photo Courtesy - Google