2026 ജൂലൈ 18 ശനി: 27 നക്ഷത്രജാതരുടെയും നാളത്തെ നക്ഷത്രഫലം
മേടം (അശ്വതി, ഭരണി, കാർത്തിക ആദ്യഭാഗം): കാര്യങ്ങളിൽ തടസ്സങ്ങൾ, മാനസിക സമ്മർദ്ദം, ആഗ്രഹങ്ങൾ നടക്കാതിരിക്കുക, അഭിമാനത്തിന് ക്ഷതം, തർക്കസാധ്യത എന്നിവ ഉണ്ടാകാം. അടുത്ത ബന്ധങ്ങളിൽ അകൽച്ച അനുഭവപ്പെടാനും സാധ്യതയുണ്ട്.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): പ്രതീക്ഷിച്ച കാര്യങ്ങൾ വൈകുകയോ പരാജയപ്പെടുകയോ ചെയ്യാം. സാമ്പത്തിക ഇടപാടുകളിൽ തടസ്സങ്ങൾ നേരിടാൻ സാധ്യതയുണ്ട്. വായ്പ ലഭിക്കാനുള്ള ശ്രമങ്ങൾ ഫലിക്കാതെ പോകാം. യാത്രകളിലും ശ്രദ്ധ ആവശ്യമാണ്.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): കാര്യങ്ങളിൽ വിജയം കൈവരും. അംഗീകാരം ലഭിക്കാനും സാമ്പത്തിക നേട്ടം ഉണ്ടാകാനും സാധ്യതയുണ്ട്. ശത്രുക്കളുടെ ശല്യം കുറയും. കുടുംബാംഗങ്ങളുമായും സുഹൃത്തുക്കളുമായും സന്തോഷകരമായ കൂടിക്കാഴ്ചകൾ നടക്കാം.
കർക്കടകം (പുണർതം അവസാന കാൽഭാഗം, പൂയം, ആയില്യം): പ്രവർത്തനങ്ങളിൽ തടസ്സങ്ങളും മാനസിക വിഷമവും അനുഭവപ്പെടാം. ശത്രുശല്യം, ചെറിയ പരിക്കുകൾ, അപകടസാധ്യത എന്നിവ ഉള്ളതിനാൽ പ്രത്യേകിച്ച് ഇരുചക്രവാഹന യാത്രകളിൽ ജാഗ്രത പാലിക്കുക.
ചിങ്ങം (മകം, പൂരം, ഉത്രം ആദ്യ കാൽഭാഗം): നല്ല ദിവസമാണ്. ജോലികളിൽ വിജയം, അംഗീകാരം, ആരോഗ്യനിലയിലെ പുരോഗതി, മത്സരവിജയം എന്നിവ പ്രതീക്ഷിക്കാം. യാത്രകളും അനുകൂല ഫലം നൽകും.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): കാര്യങ്ങൾ വൈകാനും മാനസിക അസ്വസ്ഥത അനുഭവപ്പെടാനും സാധ്യതയുണ്ട്. അഭിപ്രായഭിന്നതകളും ബന്ധങ്ങളിൽ അകൽച്ചയും ഉണ്ടാകാം. ക്ഷമയോടെ മുന്നോട്ട് പോകുക.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): പ്രവർത്തനവിജയം, അംഗീകാരം, ആരോഗ്യലാഭം എന്നിവ പ്രതീക്ഷിക്കാം. പുതിയ അവസരങ്ങൾ തുറന്നുകിട്ടാൻ സാധ്യതയുണ്ട്. ഉത്സാഹത്തോടെ മുന്നേറാൻ കഴിയുന്ന ദിവസമാണ്.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): മത്സരങ്ങളിലും ജോലിയിലും വിജയം കൈവരും. യാത്രകൾ ഫലപ്രദമാകും. ശത്രുക്കളുടെ ശല്യം കുറയുകയും ആത്മവിശ്വാസം വർധിക്കുകയും ചെയ്യും.
ധനു (മൂലം, പൂരാടം, ഉത്രാടം ആദ്യ കാൽഭാഗം): അലച്ചിലും ചെലവുകളും വർധിക്കാൻ സാധ്യതയുണ്ട്. ആരോഗ്യകാര്യങ്ങളിൽ, പ്രത്യേകിച്ച് ദഹനസംബന്ധമായ പ്രശ്നങ്ങളിൽ ശ്രദ്ധ വേണം. പ്രവർത്തനങ്ങളിൽ പ്രതീക്ഷിക്കാത്ത തടസ്സങ്ങൾ ഉണ്ടായേക്കാം.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): കാര്യങ്ങൾ സുഗമമായി നടക്കണമെന്നില്ല. മാനസിക സമ്മർദ്ദം, ശത്രുശല്യം, ചെറിയ പരിക്കുകൾ എന്നിവയ്ക്ക് സാധ്യതയുള്ളതിനാൽ എല്ലാ കാര്യങ്ങളിലും ജാഗ്രത പാലിക്കുക.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): കാര്യവിജയം, അംഗീകാരം, ആരോഗ്യം, മത്സരവിജയം എന്നിവ കൈവരും. പുതിയ അവസരങ്ങൾ ലഭിക്കുകയും നേട്ടങ്ങൾ സ്വന്തമാക്കുകയും ചെയ്യുന്ന ദിവസമായിരിക്കും.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): സാമ്പത്തിക നേട്ടം, ആരോഗ്യം, മത്സരവിജയം, ബന്ധുക്കളുമായുള്ള സന്തോഷകരമായ കൂടിക്കാഴ്ചകൾ എന്നിവയ്ക്ക് സാധ്യതയുണ്ട്. ആസൂത്രണം ചെയ്ത കാര്യങ്ങൾ വിജയകരമായി പൂർത്തിയാക്കാൻ കഴിയും.