2026 ഓഗസ്റ്റ് 16 ഞായർ മുതൽ 22 ശനി വരെ: 27 നക്ഷത്രജാതരുടെയും സമ്പൂർണ വാരഫലം
ഈ ആഴ്ച ചില നക്ഷത്രക്കാർക്ക് സാമ്പത്തിക നേട്ടവും തൊഴിൽപരമായ ഉയർച്ചയും പ്രതീക്ഷിക്കാം. മറ്റുചിലർക്ക് കുടുംബകാര്യങ്ങളിലും ആരോഗ്യത്തിലും പണമിടപാടുകളിലും കൂടുതൽ ശ്രദ്ധ ആവശ്യമാണ്. 27 നക്ഷത്രക്കാരുടെയും ഈ ആഴ്ചയിലെ പൊതുവായ ഫലങ്ങൾ അറിയാം.
അശ്വതി: പ്രതീക്ഷിക്കാത്ത തടസ്സങ്ങൾ ഉണ്ടാകാമെങ്കിലും സമയോചിതമായ ഇടപെടലിലൂടെ മറികടക്കാം. ബന്ധുക്കളുടെ സഹായവും സർക്കാർ ആനുകൂല്യങ്ങളും ലഭിക്കും. വാഹനം മാറ്റിവാങ്ങുന്നതുമായി ബന്ധപ്പെട്ട തീരുമാനമുണ്ടാകും.
ഭരണി: ജോലിയിൽ മികച്ച നേട്ടങ്ങൾ കൈവരിക്കും. മേലുദ്യോഗസ്ഥരുടെ അംഗീകാരം ലഭിക്കും. പുണ്യസ്ഥല സന്ദർശനത്തിനും അവസരമുണ്ട്. ദാമ്പത്യജീവിതത്തിൽ സന്തോഷം പ്രതീക്ഷിക്കാം. പൊതുപ്രവർത്തനത്തിലും നേട്ടമുണ്ടാകും.
കാർത്തിക: ഏറെ നാളായി ആഗ്രഹിച്ച കാര്യങ്ങൾ നടക്കും. പുതിയ സൗഹൃദങ്ങൾ രൂപപ്പെടും. ഔദ്യോഗിക രംഗത്ത് അംഗീകാരം ലഭിക്കും. വിവാഹകാര്യങ്ങളിൽ തീരുമാനമുണ്ടാകും. ഇരുചക്രവാഹനം വാങ്ങാനുള്ള ആഗ്രഹവും സഫലമായേക്കാം.
രോഹിണി: ബന്ധുക്കളുടെ പിന്തുണയോടെ പല കാര്യങ്ങളും സാധിക്കും. തൊഴിൽരംഗത്ത് നേട്ടമുണ്ടാകും. വിദേശത്തുനിന്ന് നാട്ടിലേക്ക് മടങ്ങിയെത്താൻ സാധ്യത. യാത്രകളിലൂടെ ഗുണഫലം ലഭിക്കും. കടബാധ്യതകൾ തീർക്കാനും ബിസിനസിലൂടെ ധനലാഭം നേടാനും കഴിയും.
മകയിരം: കുടുംബജീവിതത്തിൽ സന്തോഷം വർധിക്കും. അകന്നുനിന്ന ദമ്പതികൾ വീണ്ടും ഒന്നിക്കാൻ സാധ്യത. മുടങ്ങിയ വീട് നിർമാണം പുനരാരംഭിക്കും. കുടുംബയാത്രകൾക്ക് സാധ്യതയുണ്ട്. ഭൂമി വിൽപ്പനയുമായി ബന്ധപ്പെട്ട് തീരുമാനമെടുക്കും. തൊഴിൽരംഗത്തും ഉയർച്ചയുണ്ടാകും.
തിരുവാതിര: സാമ്പത്തിക ബുദ്ധിമുട്ടുകൾക്ക് ആശ്വാസം ലഭിക്കും. പണമിടപാടുകളിൽ ജാഗ്രത അനിവാര്യമാണ്. ബന്ധുക്കളുടെ ആരോഗ്യത്തിൽ ശ്രദ്ധ വേണം. ആരോഗ്യപ്രശ്നങ്ങൾ കുറയും. സന്താനങ്ങളുമായി ബന്ധപ്പെട്ട് സന്തോഷകരമായ അനുഭവങ്ങൾ ഉണ്ടാകും.
പുണർതം: ദാമ്പത്യത്തിലെ പ്രശ്നങ്ങൾ പരിഹരിക്കപ്പെടും. തൊഴിൽരംഗത്ത് നേട്ടമുണ്ടാകും. പുതിയ സംരംഭങ്ങൾക്ക് തുടക്കമിടാം. അപ്രതീക്ഷിത പ്രതിസന്ധികൾ ഉണ്ടായേക്കാമെങ്കിലും ആരോഗ്യകാര്യങ്ങളിൽ ആശ്വാസം ലഭിക്കും.
പൂയം: യാത്രകൾ വേണ്ടിവരും. ചില കാര്യങ്ങളിൽ കാലതാമസം അനുഭവപ്പെടാം. പൈതൃക സ്വത്ത് ലഭിക്കാൻ സാധ്യത. ഭൂമി വാങ്ങി വീട് നിർമിക്കാനുള്ള സാഹചര്യമുണ്ടാകും. സർക്കാർ ജീവനക്കാർക്ക് ഇഷ്ടസ്ഥലത്തേക്ക് സ്ഥലംമാറ്റം ലഭിക്കാം. പഠനരംഗത്തും മികച്ച വിജയം.
ആയില്യം: ജോലിയുടെ ഭാഗമായി യാത്രകൾ വേണ്ടിവരും. പുതിയ ജോലി ലഭിക്കാൻ അവസരമുണ്ടാകും. അടുത്ത ബന്ധുക്കളുമായുള്ള തർക്കങ്ങൾ അവസാനിക്കും. കുടുംബയാത്രകൾക്കായി അധിക ചെലവുണ്ടാകും. രോഗദുരിതങ്ങളിൽ ആശ്വാസം ലഭിക്കുകയും ബന്ധുക്കളുടെ സഹായം ലഭിക്കുകയും ചെയ്യും.
മകം: ആരോഗ്യസ്ഥിതിയിൽ പുരോഗതിയുണ്ടാകും. വിവാഹാലോചനകൾ അനുകൂലമായി നീങ്ങും. തൊഴിൽരംഗത്ത് ഉയർച്ച പ്രതീക്ഷിക്കാം. അത്യാവശ്യ യാത്രകൾ വേണ്ടിവരും. ദാമ്പത്യത്തിൽ ചെറിയ അസ്വാരസ്യങ്ങൾക്ക് സാധ്യത. ജോലിയിൽ ചെറിയ മാറ്റങ്ങളും ഉണ്ടാകാം.
പൂരം: വീടിന്റെ അറ്റകുറ്റപ്പണികൾക്കായി ചെലവുണ്ടാകും. തൊഴിൽരംഗം അനുകൂലമായിരിക്കും. ഏറ്റെടുത്ത കാര്യങ്ങളിൽ വിജയിക്കാം. യാത്രകൾ വേണ്ടിവരും. സന്താനങ്ങളുടെ ആരോഗ്യത്തിൽ ശ്രദ്ധ വേണം. മാനസിക സമ്മർദം വർധിക്കാം. വാഹനമോടിക്കുമ്പോൾ പ്രത്യേകം ശ്രദ്ധിക്കുക.
ഉത്രം: ക്ഷീണവും ഉന്മേഷക്കുറവും അനുഭവപ്പെടാം. പ്രധാന ജോലിയിൽനിന്ന് മാറിനിൽക്കേണ്ട സാഹചര്യമുണ്ടാകും. ഗൃഹസുഖം കുറയാം. അനാവശ്യ ചെലവുകൾ സാമ്പത്തിക സമ്മർദമുണ്ടാക്കും. ദാമ്പത്യജീവിതത്തിലും ചെറിയ പ്രശ്നങ്ങൾക്ക് സാധ്യത.
അത്തം: വിദേശ ജോലി നേടാനുള്ള ശ്രമങ്ങൾക്ക് അനുകൂല ഫലം ലഭിക്കും. സുഹൃത്തുക്കളുടെ സഹായം വർധിക്കും. ഗൃഹനിർമാണം പുരോഗമിക്കും. അധികച്ചെലവുകൾ ഉണ്ടാകാം. സാമ്പത്തിക ബുദ്ധിമുട്ടുകൾ മറികടക്കാൻ സാധിക്കും. അനാവശ്യ ചിന്തകൾ ഒഴിവാക്കുക.
ചിത്തിര: വസ്ത്രങ്ങളും ആഭരണങ്ങളും വാങ്ങാൻ സാധ്യത. സന്തോഷം വർധിക്കും. അലങ്കാര വസ്തുക്കൾക്കായി ചെലവുണ്ടാകും. സാമ്പത്തിക ബാധ്യതകൾ കുറയ്ക്കാം. ബന്ധുക്കളുടെ സഹായം ലഭിക്കും. പുതിയ ജോലി ലഭിക്കാനുള്ള അവസരവും ഉണ്ടാകും.
ചോതി: രോഗമോ അപകടമോ കാരണം ജോലിയിൽനിന്ന് വിട്ടുനിന്നവർക്ക് തിരിച്ചെത്താൻ കഴിയും. മരുന്നുകളോട് അലർജി ഉണ്ടാകാൻ സാധ്യതയുള്ളതിനാൽ ശ്രദ്ധ വേണം. വിശ്രമം കുറയും. മംഗളകർമങ്ങളിൽ പങ്കെടുക്കാൻ കഴിയാതെ വന്നേക്കാം.
വിശാഖം: സുഹൃത്തുക്കളുടെ പിന്തുണയോടെ തടസ്സങ്ങൾ മറികടക്കാം. എന്നാൽ മറ്റുള്ളവരെ അമിതമായി വിശ്വസിക്കുന്നത് തിരിച്ചടിയാകാം. കണ്ണ്, ചെവി എന്നിവയുടെ ആരോഗ്യത്തിൽ ശ്രദ്ധ വേണം. വിദ്യാഭ്യാസത്തിലും മത്സരപ്പരീക്ഷകളിലും വിജയം നേടാം. ജോലി ലഭിക്കാനുള്ള സാധ്യതയും ശക്തമാണ്.
അനിഴം: ആരോഗ്യപ്രശ്നങ്ങൾക്ക് ആശ്വാസം ലഭിക്കും. പൊതുപ്രവർത്തനങ്ങളിൽ മികവ് തെളിയിക്കും. മറ്റുള്ളവരെ അമിതമായി ആശ്രയിക്കുന്നത് മാനസിക വിഷമത്തിന് കാരണമാകാം. കുടുംബാന്തരീക്ഷം സമാധാനപരമായിരിക്കും. പുതിയ സൗഹൃദങ്ങൾ രൂപപ്പെടും.
തൃക്കേട്ട: പണമിടപാടുകളിൽ വഞ്ചിക്കപ്പെടാൻ സാധ്യതയുള്ളതിനാൽ ജാഗ്രത വേണം. അടുത്തുനിന്നിരുന്നവരുമായി അഭിപ്രായവ്യത്യാസം ഉണ്ടാകാം. ആരോഗ്യകാരണങ്ങളാൽ യാത്രകൾ ഒഴിവാക്കേണ്ടിവരും. സഹോദരങ്ങളുടെ സഹായം ലഭിക്കും. മറ്റ് മാർഗങ്ങളിലൂടെയും വരുമാനം ലഭിക്കാം.
മൂലം: അപ്രതീക്ഷിത ധനനഷ്ടത്തിന് സാധ്യത. വാഹനം, ഭൂമി എന്നിവ വാങ്ങാനുള്ള തീരുമാനങ്ങൾ മാറ്റിവയ്ക്കുന്നതാണ് നല്ലത്. സർക്കാർ ജീവനക്കാർക്ക് ആഴ്ച അത്ര അനുകൂലമല്ല. എന്നാൽ ജോലി അന്വേഷിക്കുന്നവർക്ക് നേട്ടമുണ്ടാകും. വിവാഹകാര്യങ്ങളിലും തീരുമാനമുണ്ടാകും.
പൂരാടം: ഉറ്റ സുഹൃത്തുക്കളുടെ സഹായത്തോടെ സാമ്പത്തിക ബുദ്ധിമുട്ടുകൾ മറികടക്കാം. നഷ്ടപ്പെട്ട വസ്തുക്കൾ തിരിച്ചുകിട്ടും. താമസസ്ഥലത്ത് മാറ്റം വരാൻ സാധ്യത.
ഉത്രാടം: ഉദ്യോഗസ്ഥർക്ക് സ്ഥലംമാറ്റത്തിന് സാധ്യത. ചെലവേറിയ കാര്യങ്ങളിൽ ഏർപ്പെടും. പൊതുപ്രവർത്തകരുടെ ജനപിന്തുണ വർധിക്കും. ആരോഗ്യസ്ഥിതി മെച്ചപ്പെടും. വാഹനവുമായി ബന്ധപ്പെട്ട് പണം ചെലവാക്കേണ്ടിവരും.
തിരുവോണം: ബന്ധുക്കൾ കൊണ്ടുവരുന്ന വിവാഹാലോചനകളിൽ തീരുമാനമുണ്ടാകും. ആഭരണങ്ങൾ വാങ്ങാൻ സാധ്യത. ലക്ഷ്യങ്ങൾ നേടാൻ കൂടുതൽ അധ്വാനം ആവശ്യമാണ്. ജീവിതപങ്കാളിക്ക് ഉയർച്ചയുണ്ടാകും. മാതാവിന്റെ ആരോഗ്യത്തിൽ ശ്രദ്ധ വേണം.
അവിട്ടം: അപ്രതീക്ഷിത ചെലവുകൾ വർധിക്കും. രോഗദുരിതങ്ങളിൽനിന്ന് മോചനം ലഭിക്കും. ഔദ്യോഗിക രംഗത്ത് നേട്ടമുണ്ടാകും. സഹോദരങ്ങളുടെ ആരോഗ്യത്തിൽ ശ്രദ്ധ വേണം. ജോലിയിൽ ഉത്തരവാദിത്വം വർധിക്കും.
ചതയം: ആഗ്രഹിച്ച കാര്യങ്ങൾ നടക്കും. സാമ്പത്തിക ഇടപാടുകളിൽ കൃത്യത പാലിക്കും. മേലുദ്യോഗസ്ഥരുടെ പിന്തുണ ലഭിക്കും. കുടുംബജീവിതത്തിൽ സന്തോഷം വർധിക്കും. വിവാദങ്ങളിൽനിന്ന് ആശ്വാസം ലഭിക്കും.
പൂരുരുട്ടാതി: പൊതുപ്രവർത്തനങ്ങളിൽ വിജയം നേടാം. വാഹനം വാങ്ങാനുള്ള തീരുമാനം ഉണ്ടാകും. ദീർഘയാത്രകൾ ഒഴിവാക്കുക. പണമിടപാടുകളിൽ അതീവ ജാഗ്രത വേണം. പൈതൃക സ്വത്ത് ലഭിക്കാൻ സാധ്യതയുണ്ട്.
ഉത്തൃട്ടാതി: ദാമ്പത്യത്തിൽ ചെറിയ അഭിപ്രായവ്യത്യാസങ്ങൾക്ക് സാധ്യത. മുതിർന്ന ബന്ധുക്കളുടെ ആരോഗ്യത്തിൽ ശ്രദ്ധ വേണം. പ്രതീക്ഷിച്ച വിജയം ചില കാര്യങ്ങളിൽ ലഭിക്കണമെന്നില്ല. ഊഹക്കച്ചവടത്തിൽ നഷ്ടസാധ്യതയുണ്ട്. ബന്ധുക്കളിൽനിന്ന് താൽക്കാലിക അകലം ഉണ്ടാകാം.
രേവതി: ബന്ധുക്കളുമായി അടുപ്പം വർധിക്കും. പൂർവിക സ്വത്ത് ലഭിക്കാൻ സാധ്യത. യാത്രകളിൽ ജാഗ്രത പാലിക്കുക. സംസാരത്തിൽ നിയന്ത്രണം വേണം. അനാവശ്യ ചിന്തകൾ മാനസിക സമ്മർദത്തിന് കാരണമാകാം.