ക്ഷേത്രത്തില്‍ പോയാല്‍ ആല്‍മരം ചുറ്റണോ
ക്ഷേത്രദര്‍ശനം നടത്തുന്നവര്‍ തീര്‍ച്ചയായും ആല്‍മരത്തിനേയും പ്രദക്ഷിണം ചെയ്യണമെന്ന് പറയുന്നത് വെറും വിശ്വാസമല്ല. ഇതിനു പിന്നില്‍ ഒരു മഹാരഹസ്യങ്ങള്‍ ഒളിഞ്ഞിരിപ്പുണ്ട്.
ക്ഷേത്രദര്‍ശനം നടത്തുന്നവര്‍ തീര്‍ച്ചയായും ആല്‍മരത്തിനേയും പ്രദക്ഷിണം ചെയ്യണമെന്ന് പറയുന്നത് വെറും വിശ്വാസമല്ല. ഇതിനു പിന്നില്‍ ഒരു മഹാരഹസ്യങ്ങള്‍ ഒളിഞ്ഞിരിപ്പുണ്ട്.
പഞ്ചാമൃതത്തിന്‍റെ ഗുണങ്ങളാണ് ദേവവൃക്ഷമായ ആല്‍മരത്തെ പ്രദക്ഷിണം വയ്ക്കുന്നവര്‍ക്ക് ലഭ്യമാകുന്നതെന്ന് ആചാര്യന്മാര്‍ പറഞ്ഞിട്ടുണ്ട്. അപൂര്‍വ്വ ഗുണങ്ങള്‍ പ്രധാനം ചെയ്യുന്ന ഈ പുണ്യവൃക്ഷത്തെ വലംവച്ചാല്‍ പല രോഗങ്ങള്‍ക്കും ആശ്വാസം ലഭിക്കുമത്രെ.
ഈ പ്രപഞ്ചത്തെ നിയന്ത്രിക്കുന്ന ത്രിമൂര്‍ത്തികള്‍ കുടികൊളളുന്ന ഈ പുണ്യ വൃക്ഷത്തിന്‍റെ ദര്‍ശനം തന്നെ ഭഗവത് സ്മരണ നമ്മുടെ ഉളളില്‍ ഉണര്‍ത്തും. ചെറുതാണെങ്കിലും ഗുണകരമായ വ്യായാമമാണ് ആല്‍മരം പ്രദക്ഷിണം ചെയ്യുന്നതിലൂടെ ലഭിക്കുന്നത്. മനുഷ്യശരീരത്തിന് ആവശ്യത്തിന് വായുവും പ്രകാശവും ലഭ്യമാക്കുവാനും പ്രദക്ഷിണം വഴി കഴിയുന്നു. ധാരാളം പ്രാണവായു ആല്‍മരത്തില്‍ നിന്നും പ്രദക്ഷിണം ചെയ്യുന്ന വ്യക്തിയിലേക്ക് കടക്കുന്നു.
മാത്രമല്ല പടര്‍ന്നു പന്തലിച്ചു നില്‍ക്കുന്ന ആല്‍മരത്തണലും പഞ്ചാമൃതം തുല്യമാണ്. ആല്‍മരച്ചുവട് പ്രാണന്‍, അപാനന്‍, വ്യാസന്‍, ഉദാനന്‍, സമാനന്‍ തുടങ്ങിയ ശ്രേഷ്ഠമായ വായു തരംഗങ്ങള്‍ കൊണ്ട് നിറഞ്ഞിരിക്കുന്നതിനാല്‍ ദിവസവും കുറച്ച് സമയം ആല്‍ത്തറയില്‍ ചിലവഴിച്ചാല്‍ ഏറെക്കാലം ആയുരാരോഗ്യത്തോടെ ജീവിക്കുമെന്ന് ചുരുക്കം.
എന്നാല്‍ ആല്‍മര പ്രദക്ഷിണത്തിന്‍റെ ശാസ്ത്രീയ അടിത്തറ തെളിയിക്കപ്പെട്ടു കഴിഞ്ഞു. ആല്‍മരം കാര്‍ബണിനെ ആഗിരണം ചെയ്ത് ഓക്സിജനെ പുറത്തുവിടുന്നു. എല്ലാ വൃക്ഷങ്ങള്‍ക്കും ഈ കഴിവുണ്ടെങ്കിലും ഞെട്ടിന്‍റെയും ഇലയുടെയും പ്രത്യേക ഘടനകാരണം എല്ലായ്പ്പോഴും വായുവിനെ ചലിപ്പിച്ചു കൊണ്ടിരിക്കുന്ന ആല്‍മരമാണ് ഏറ്റവും കൂടുതല്‍ ഓക്സിജന്‍ പുറത്തുവിടുന്ന വൃക്ഷം. ഇത് കൂടാതെ കുറഞ്ഞ തോതിലാണെങ്കിലും ഓസോണ്‍ ഉല്‍പ്പാദിപ്പിക്കാനും ആല്‍മരത്തിന് കഴിവുണ്ടത്രേ.
വായുവിനേക്കാള്‍ സാന്ദ്രത കൂടിയതിനാല്‍ ആല്‍മരത്തിന്‍റെ ചുവട്ടില്‍ തന്നെ ഇങ്ങനെ ഉല്പാദിപ്പിക്കപ്പെടുന്ന ഓസോണ്‍ തങ്ങിനില്‍ക്കുന്നു.
ഇതാകട്ടെ വായുവിനെ ശുദ്ധീകരിക്കുകയും ശ്വാസകോശത്തിലെ അണുക്കളെ നശിപ്പിക്കുകയും ചെയ്യുന്നു. ആല്‍വൃ ക്ഷ കുടുംബത്തില്‍ അരയാല്‍, പേരാല്‍, അത്തിയാല്‍, ഇത്തിയാല്‍, കല്ലാല്‍ ഇങ്ങനെ പല ഇനങ്ങളുണ്ട്. ഇതില്‍ അരയാലിനാണ് വൃക്ഷങ്ങളുടെ രാജാവെന്ന സ്ഥാനം. അരയാലിന് 2000 വര്‍ഷമാണ് ആയുര്‍ദൈര്‍ഘ്യം കല്‍പ്പിച്ചിരിക്കുന്നത്. ഗീതയില്‍ ശ്രീകൃഷ്ണന്‍ വൃക്ഷങ്ങളില്‍ അരയാല്‍ താനാണെന്ന് പറയുന്നുണ്ട്. ബുദ്ധനെ സിദ്ധനാക്കിയത് ബോധിവൃക്ഷച്ചുവട്ടിലെ നിരന്തരമായ ധ്യാനം ആണ്. ബോധിവൃക്ഷം എന്ന് അരയാലിന് വിശേഷാര്‍ത്ഥം കല്‍പ്പിച്ചിരിക്കുന്നത് അതിനാലാണ്.
ചുവട്ടില്‍ ബ്രഹ്മാവും മദ്ധ്യത്ത് വിഷ്ണുവും മുകളില്‍ ശിവനും വസിക്കുന്ന അരയാലിനെ പ്രദക്ഷിണവും നമസ്ക്കാരവും ചെയ്യുന്നത് ശനിദോഷ നിവാരണത്തിന് ഉത്തമമാണ്. അരയാലിനെ എത്ര പ്രദക്ഷിണം വച്ചോ അത്രയും നമസ്ക്കാരം ചെയ്യണം. കുറഞ്ഞത് ഏഴു പ്രദക്ഷിണം എന്നാണ് ശാസ്ത്രം. ഏഴിന്‍റെ ഗുണിതങ്ങളും ആകാം. 108 അത്യുത്തമം. സന്താനഭാഗ്യത്തിന് മരുന്നുകള്‍ക്കൊപ്പം അരയാല്‍ പ്രദക്ഷിണവും നമസ് ക്കാരവും നല്ലതാണ്.
ജോതിഷി
പ്രഭാസീന സി.പി
9961442256
Photo Courtesy - Google