27 നക്ഷത്രജാതരുടെയും സ്വഭാവവും പ്രത്യേകതകളും അറിയാം
ജനിച്ച നക്ഷത്രം ഒരാളുടെ സ്വഭാവത്തെയും ജീവിതത്തിലെ വിവിധ മേഖലകളെയും സ്വാധീനിക്കുമെന്നാണ് ജ്യോതിഷവിശ്വാസം. ഓരോ നക്ഷത്രത്തിനും അതിന്റേതായ പ്രത്യേകതകളും ഗുണദോഷങ്ങളുമുണ്ടെന്നും ജ്യോതിഷത്തിൽ പറയുന്നു. 27 നക്ഷത്രങ്ങളിൽ ജനിച്ചവരുടെ പൊതുവായ സ്വഭാവസവിശേഷതകൾ എങ്ങനെയാണെന്ന് നോക്കാം.
അശ്വതി: അറിവും ധൈര്യവും കൈമുതലാക്കിയവരെന്നാണ് അശ്വതി നക്ഷത്രക്കാരെ വിശേഷിപ്പിക്കുന്നത്. ഉത്തരവാദിത്തബോധത്തോടെ കാര്യങ്ങൾ ചെയ്യുന്ന ഇവർ കുടുംബത്തിലും സമൂഹത്തിലും ബഹുമാനം നേടാൻ സാധ്യതയുള്ളവരാണ്.
ഭരണി: ധൈര്യവും ബുദ്ധിശക്തിയും ഭരണി നക്ഷത്രക്കാരുടെ പ്രധാന ഗുണങ്ങളായി കണക്കാക്കുന്നു. ചില കാര്യങ്ങളിൽ തീരുമാനമെടുക്കാൻ ബുദ്ധിമുട്ടുണ്ടാകാമെങ്കിലും ദീർഘായുസ്സും കുടുംബബന്ധങ്ങളിലെ പ്രാധാന്യവും ഇവരുടെ പ്രത്യേകതകളായി പറയുന്നു.
കാർത്തിക: സത്യസന്ധതയ്ക്കും ആരോഗ്യത്തിനും പ്രാധാന്യം നൽകുന്നവരാണ് കാർത്തിക നക്ഷത്രക്കാരെന്നാണ് വിശ്വാസം. വിദ്യാഭ്യാസത്തിലും സാമ്പത്തിക മേഖലയിലും മികച്ച നേട്ടങ്ങൾ കൈവരിക്കാനും സാധ്യതയുണ്ട്.
രോഹിണി: സമ്പത്തിന്റെയും നേതൃത്വത്തിന്റെയും നക്ഷത്രമായി രോഹിണിയെ കണക്കാക്കുന്നു. കൂട്ടത്തിൽ ശ്രദ്ധേയമായ സ്ഥാനം നേടുന്നവരും സാമ്പത്തികമായി ഉയരുന്നവരുമായിരിക്കും ഇവരെന്നാണ് ജ്യോതിഷവിശ്വാസം.
മകയിരം: യാത്രകളോടും പുതിയ അനുഭവങ്ങളോടും താൽപര്യമുള്ളവരാണ് മകയിരം നക്ഷത്രക്കാർ എന്നാണ് പറയപ്പെടുന്നത്. ആവേശത്തോടെ കാര്യങ്ങൾ ഏറ്റെടുക്കുന്ന സ്വഭാവവും ഇവർക്കുണ്ടാകാം.
തിരുവാതിര: ചഞ്ചലമായ മനസ്സും ശക്തമായ സംസാരശേഷിയും തിരുവാതിര നക്ഷത്രക്കാരുടെ പ്രത്യേകതകളായി കണക്കാക്കപ്പെടുന്നു. ഔദ്യോഗിക മേഖലയിൽ അംഗീകാരം നേടാനും സാധ്യതയുണ്ടെന്നാണ് വിശ്വാസം.
പുണർതം: സ്നേഹവും ഉദാരതയും നിറഞ്ഞ സ്വഭാവക്കാരാണ് പുണർതം നക്ഷത്രക്കാരെന്നാണ് ജ്യോതിഷം പറയുന്നത്. മറ്റുള്ളവരെ സ്നേഹിക്കാനും സഹായിക്കാനും ഇവർക്ക് പ്രത്യേക താൽപര്യമുണ്ടാകാം.
പൂയം: ബുദ്ധിശക്തിക്കും വാക്ചാതുര്യത്തിനും പേരുകേട്ടവരാണ് പൂയം നക്ഷത്രക്കാർ എന്നാണ് വിശ്വാസം. ശാസ്ത്രം, സാഹിത്യം തുടങ്ങിയ മേഖലകളിൽ കഴിവ് തെളിയിക്കാനും മറ്റുള്ളവരെ സഹായിക്കാനും ഇവർ മുന്നിലായിരിക്കും.
ആയില്യം: ഏത് കൂട്ടായ്മയിലും നേതൃത്വസ്ഥാനത്ത് എത്താനുള്ള കഴിവുള്ളവരാണ് ആയില്യം നക്ഷത്രക്കാരെന്ന് പറയപ്പെടുന്നു. ആഴത്തിലുള്ള അറിവും മികച്ച വാക്സാമർഥ്യവും ഇവരുടെ സവിശേഷതകളാണ്.
മകം: അറിവിനൊപ്പം വിനയവും മകം നക്ഷത്രക്കാരുടെ പ്രത്യേകതയായി കണക്കാക്കുന്നു. ബഹുമാനം നേടുന്നവരും ജീവിതത്തിൽ സുഖസൗകര്യങ്ങൾ അനുഭവിക്കുന്നവരുമായിരിക്കും എന്നാണ് വിശ്വാസം.
പൂരം: മികച്ച ആശയവിനിമയശേഷിയുള്ളവരാണ് പൂരം നക്ഷത്രക്കാർ. സംസാരത്തിലൂടെ മറ്റുള്ളവരെ സ്വാധീനിക്കാനും വിവിധ മേഖലകളിൽ പ്രശസ്തി നേടാനും ഇവർക്ക് കഴിയുമെന്നാണ് ജ്യോതിഷവിശ്വാസം.
ഉത്രം: ജ്ഞാനവും ഉദാരമനസ്കതയും ഉത്രം നക്ഷത്രക്കാരുടെ മുഖമുദ്രകളായി പറയുന്നു. ബന്ധുക്കൾക്കിടയിലും സമൂഹത്തിലും മാന്യമായ സ്ഥാനം ലഭിക്കാനുള്ള സാധ്യതയുണ്ട്.
അത്തം: ബുദ്ധിശക്തിയും വാക്ചാതുര്യവും പരോപകാര മനോഭാവവും അത്തം നക്ഷത്രക്കാരുടെ പ്രത്യേകതകളായി കണക്കാക്കുന്നു. മറ്റുള്ളവരെ സഹായിക്കുന്നതിലും ഇവർ താൽപര്യം കാണിക്കും.
ചിത്തിര: എപ്പോഴും ഉത്സാഹത്തോടെ മുന്നേറുന്നവരാണ് ചിത്തിര നക്ഷത്രക്കാരെന്നാണ് പറയപ്പെടുന്നത്. വാദപ്രതിവാദങ്ങളിലും മത്സരങ്ങളിലും സജീവമായി ഇടപെടുന്ന സ്വഭാവം ഇവർക്കുണ്ടാകാം.
ചോതി: വിനയവും ധർമബോധവും ചോതി നക്ഷത്രക്കാരുടെ പ്രധാന സവിശേഷതകളായി കണക്കാക്കുന്നു. വിദേശത്ത് താമസിക്കാനുള്ള സാധ്യതയും ജീവിതത്തിൽ സാമ്പത്തിക സ്ഥിരതയും ഉണ്ടാകുമെന്നാണ് വിശ്വാസം.
വിശാഖം: ഭാഗ്യവും സമ്പത്തും കൈവരിക്കുന്ന നക്ഷത്രമായി വിശാഖത്തെ കണക്കാക്കുന്നു. കുടുംബജീവിതത്തിൽ നേട്ടങ്ങളും ശത്രുക്കളെ സ്നേഹത്തോടെ നേരിടാനുള്ള കഴിവും ഇവരുടെ പ്രത്യേകതകളായി പറയുന്നു.
അനിഴം: സംസാരിക്കാനും യാത്ര ചെയ്യാനും ഏറെ ഇഷ്ടപ്പെടുന്നവരാണ് അനിഴം നക്ഷത്രക്കാരെന്നാണ് ജ്യോതിഷവിശ്വാസം. ജീവിതത്തിലെ പല ഘട്ടങ്ങളിലും ഭാഗ്യം ഇവരെ പിന്തുണയ്ക്കുമെന്നും പറയപ്പെടുന്നു.
തൃക്കേട്ട: സന്തോഷകരമായ മനസ്സും ധർമകാര്യങ്ങളോടുള്ള താൽപര്യവും തൃക്കേട്ട നക്ഷത്രക്കാരുടെ പ്രത്യേകതകളായി പറയുന്നു. സമൂഹത്തിൽ നേതൃത്വസ്ഥാനത്തേക്ക് ഉയരാനും ഇവർക്ക് സാധ്യതയുണ്ടാകാം.
മൂലം: അറിവും വാക്ചാതുര്യവും സാമ്പത്തിക നേട്ടങ്ങളും മൂലം നക്ഷത്രക്കാരുടെ സവിശേഷതകളായി കണക്കാക്കുന്നു. പല കാര്യങ്ങളിലും വ്യക്തമായ അഭിപ്രായമുള്ളവരായിരിക്കും ഇവരെന്നാണ് വിശ്വാസം.
പൂരാടം: സൗഹൃദബന്ധങ്ങൾക്ക് വലിയ വില നൽകുന്നവരാണ് പൂരാടം നക്ഷത്രക്കാരെന്നാണ് പറയപ്പെടുന്നത്. വിനയവും ബുദ്ധിശക്തിയും ഇവരുടെ പ്രധാന ഗുണങ്ങളായി കണക്കാക്കുന്നു.
ഉത്രാടം: ഹാസ്യബോധവും വിനയവും നിറഞ്ഞവരാണ് ഉത്രാടം നക്ഷത്രക്കാരെന്നാണ് ജ്യോതിഷം പറയുന്നത്. അറിവിനൊപ്പം മറ്റുള്ളവരോട് കരുണ കാണിക്കുന്ന സ്വഭാവവും ഇവർക്കുണ്ടാകാം.
തിരുവോണം: ശാസ്ത്രവിഷയങ്ങളിൽ അറിവും നേതൃത്വഗുണവും തിരുവോണം നക്ഷത്രക്കാരുടെ പ്രധാന സവിശേഷതകളായി കണക്കാക്കുന്നു. സാമ്പത്തികമായി മുന്നേറാനും സമൂഹത്തിൽ ശ്രദ്ധേയമായ സ്ഥാനം നേടാനും സാധ്യതയുണ്ടെന്നാണ് വിശ്വാസം.
അവിട്ടം: നേതൃത്വശേഷിയുള്ളവരാണ് അവിട്ടം നക്ഷത്രക്കാർ. സംഗീതം, നാടകം തുടങ്ങിയ കലാരംഗങ്ങളോടുള്ള താൽപര്യവും ആഗ്രഹങ്ങൾ നേടിയെടുക്കാനുള്ള ശ്രമവും ഇവരുടെ പ്രത്യേകതകളായി പറയപ്പെടുന്നു.
ചതയം: ജനങ്ങൾക്കിടയിൽ എളുപ്പത്തിൽ സ്വീകാര്യത നേടുന്നവരാണ് ചതയം നക്ഷത്രക്കാരെന്നാണ് വിശ്വാസം. സംസാരശേഷിയോടൊപ്പം ഏത് സാഹചര്യത്തെയും തന്ത്രപരമായി കൈകാര്യം ചെയ്യാനുള്ള കഴിവും ഇവർക്കുണ്ടാകാം.
പൂരുരുട്ടാതി: സൗമ്യമായ പെരുമാറ്റവും ചിട്ടയോടെയുള്ള ജീവിതരീതിയും പൂരുരുട്ടാതി നക്ഷത്രക്കാരുടെ പ്രത്യേകതകളായി കണക്കാക്കുന്നു. ജോലി കൃത്യമായി ചെയ്യാനും ജീവിതത്തിൽ സുഖം അനുഭവിക്കാനും ഇവർക്ക് സാധിക്കുമെന്നാണ് വിശ്വാസം.
ഉത്രട്ടാതി: വിനയവും ആഴത്തിലുള്ള അറിവും ഉത്രട്ടാതി നക്ഷത്രക്കാരുടെ സവിശേഷതകളായി പറയുന്നു. ആരോഗ്യത്തിൽ ശ്രദ്ധ പുലർത്തുന്ന ഇവർ പണത്തിന്റെ കാര്യത്തിൽ സൂക്ഷ്മത കാണിക്കുന്നവരുമായിരിക്കുമെന്ന് ജ്യോതിഷം പറയുന്നു.
രേവതി: ആത്മവിശ്വാസവും മത്സരബുദ്ധിയും രേവതി നക്ഷത്രക്കാരുടെ പ്രത്യേകതകളായി കണക്കാക്കുന്നു. നല്ല കാര്യങ്ങൾ ചെയ്യാനുള്ള താൽപര്യവും കുടുംബജീവിതത്തിലെ സന്തോഷവും ഇവരുടെ ജീവിതത്തിൽ പ്രധാനമാകുമെന്നാണ് വിശ്വാസം.
ഓരോ നക്ഷത്രജാതരുടെയും ദേവത, ഗണം, ഭൂതം, മൃഗം, പക്ഷി, വൃക്ഷം എന്നിവ അറിയാം..
അശ്വതി
ദേവത: അശ്വനി ദേവകൾ
ഗണം: ദൈവം
ഭൂതം:ഭൂമി
മൃഗം: കുതിര
പക്ഷി: പുള്ള്
വൃക്ഷം: കാഞ്ഞിരം
ഭരണി
ദേവത: യമൻ
ഗണം: മാനുഷം
ഭൂതം:ഭൂമി
മൃഗം: ആന
പക്ഷി: പുള്ള്
വൃക്ഷം:നെല്ലി
കാർത്തിക
ദേവത: അഗ്നി
ഗണം: ആസുരം
ഭൂതം:ഭൂമി
മൃഗം: ആട്
പക്ഷി: പുള്ള്
വൃക്ഷം: അത്തി
രോഹിണി
ദേവത: ബ്രഹ്മാവ്
ഗണം: മാനുഷം
ഭൂതം:ഭൂമി
മൃഗം: നല്പാമ്ബ്
പക്ഷി: പുള്ള്
വൃക്ഷം:ഞാവൽ
മകയിരം
ദേവത: ചന്ദ്രൻ
ഗണം: ദൈവം
ഭൂതം:ഭൂമി
മൃഗം: പാമ്പ്
പക്ഷി: പുള്ള്
വൃക്ഷം:കരിങ്ങാലി
തിരുവാതിര
ദേവത: ശിവൻ
ഗണം: മാനുഷം
ഭൂതം:ജലം
മൃഗം: ശ്വാവ്
പക്ഷി: ചെമ്പോത്ത്
വൃക്ഷം:കരിമരം
പുണർതം
ദേവത: അദിതി
ഗണം: ദൈവം
ഭൂതം:ജലം
മൃഗം: പൂച്ച
പക്ഷി: ചെമ്പോത്ത്
വൃക്ഷം:മുള
പൂയം
ദേവത: ബൃഹസ്പതി
ഗണം: ദൈവം
ഭൂതം: ജലം
മൃഗം: ആട്
പക്ഷി: ചെമ്പോത്ത്
വൃക്ഷം: അരയാൽ
ആയില്യം
ദേവത: സർപ്പങ്ങൾ
ഗണം: ആസുരം
ഭൂതം:ജലം
മൃഗം: കരിമ്പൂച്ച
പക്ഷി: ചെമ്പോത്ത്
വൃക്ഷം:നാകം
മകം
ദേവത: പിത്യക്കൾ
ഗണം: ആസുരം
ഭൂതം: ജലം
മൃഗം: എലി
പക്ഷി: ചെമ്പോത്ത്
വൃക്ഷം: പേരാൽ
പൂരം
ദേവത: ആര്യമാവ്
ഗണം: മാനുഷം
ഭൂതം:ജലം
മൃഗം: ചുണ്ടെലി
പക്ഷി: ചെമ്പോത്ത്
വൃക്ഷം:പ്ലാശ്
ഉത്രം
ദേവത: ഭഗൻ
ഗണം: മാനുഷം
ഭൂതം:അഗ്നി
മൃഗം: ഒട്ടകം
പക്ഷി: കാകൻ
വൃക്ഷം: ഇത്തി
അത്തം
ദേവത: ആദിത്യൻ
ഗണം: ദൈവം
ഭൂതം :അഗ്നി
മൃഗം :പോത്ത്
പക്ഷി :കാകൻ
വൃക്ഷം :അമ്പഴം
ചിത്തിര
ദേവത: ത്വഷ്ട്രാവ്
ഗണം: ആസുരം
ഭൂതം: അഗ്നി
മൃഗം: ആൾപുലി
പക്ഷി: കാകൻ
വൃക്ഷം: കൂവളം
ചോതി
ദേവത: വായു
ഗണം: ദൈവം
ഭൂതം: അഗ്നി
മൃഗം: മഹിഷം
പക്ഷി: കാകൻ
വൃക്ഷം: നീർമരുത്
വിശാഖം
ദേവത: ഇന്ദ്രാഗ്നി
ഗണം: ആസുരം
ഭൂതം: അഗ്നി
മൃഗം: സിംഹം
പക്ഷി: കാകൻ
വൃക്ഷം: വയ്യങ്കതവ്
അനിഴം
ദേവത: മിത്രൻ
ഗണം: ദൈവം
ഭൂതം :അഗ്നി
മൃഗം: മാൻ
പക്ഷി: കാകൻ
വൃക്ഷം: ഇലഞ്ഞി
തൃക്കേട്ട
ദേവത: ഇന്ദ്രൻ
ഗണം: ആസുരം
ഭൂതം: വായു
മൃഗം: കേഴമാൻ
പക്ഷി: കോഴി
മൂലം
ദേവത: നിര്യതി
ഗണം: ആസുരം
ഭൂതം: വായു
മൃഗം:ശ്വാവ്
പക്ഷി: കോഴി
വൃക്ഷം വയനം
പൂരാടം
ദേവത:ജലം
ഗണം: മാനുഷം
ഭൂതം: വായു
മൃഗം: വാനരൻ
പക്ഷി : കോഴി
വൃക്ഷം : വഞ്ഞി
ഉത്രാടം
ദേവത: വിശ്വദേവതകൾ
ഗണം: മാനുഷം
ഭൂതം: വായു
മൃഗം: കാള
പക്ഷി: കോഴി
വൃക്ഷം: പ്ലാവ്
തിരുവോണം
ദേവത : വിഷ്ണു
ഗണം: ദൈവം
ഭൂതം: വായു
മൃഗം : വാനരൻ
പക്ഷി : കോഴി
വൃക്ഷം : എരിക്ക്
അവിട്ടം
ദേവത: വസുക്കൾ
ഗണം: ആസുരം
ഭൂതം: ആകാശം
മൃഗം: സിംഹം
പക്ഷി: മയിൽ
വൃക്ഷം : വഹ്നി
ചതയം
ദേവത:വരുണൻ
ഗണം:ആസുരം
ഭൂതം: ആകാശം
മൃഗം: കുതിര
പക്ഷി: മയിൽ
വൃക്ഷം: കടമ്പ്
പൂരുരുട്ടാതി
ദേവ: അജൈകപാത്
ഗണം: മാനുഷം
ഭൂതം: ആകാശം
മൃഗം: നരൻ
പക്ഷി: മയിൽ
വൃക്ഷം: തേൻമാവ്
ഉത്രട്ടാതി
ദേവത: അഹിർബുധ്നി
ഗണം : മാനുഷം
ഭൂതം : ആകാസം
മൃഗം : പശു
പക്ഷി : മയിൽ
വൃക്ഷം : കരിമ്ബന
രേവതി
ദേവത: പുഷാവ്
ഗണം : ദൈവം
ഭൂതം : ആകാശം
മൃഗം : ആന
പക്ഷി : മയിൽ
വൃക്ഷം : ഇരിപ്പ