2026 ജൂലൈ 21 ചൊവ്വ: 27 നക്ഷത്രജാതരുടെയും നാളത്തെ നക്ഷത്രഫലം
മേടം (അശ്വതി, ഭരണി, കാർത്തിക ആദ്യഭാഗം): കാര്യങ്ങളിൽ വിജയം കൈവരും. അംഗീകാരം, ആരോഗ്യനിലയിലെ പുരോഗതി, ഇഷ്ടഭക്ഷണസമൃദ്ധി എന്നിവ അനുഭവപ്പെടും. യാത്രകളും അനുകൂല ഫലം നൽകാൻ സാധ്യതയുണ്ട്.
ഇടവം (കാർത്തിക അവസാന മുക്കാൽഭാഗം, രോഹിണി, മകയിരം ആദ്യപകുതി): ദിവസത്തിന്റെ ആദ്യഘട്ടത്തിൽ കാര്യതടസ്സം, യാത്രാക്ലേശം, ഉദരസംബന്ധമായ അസ്വസ്ഥത എന്നിവ അനുഭവപ്പെടാം. എന്നാൽ രാവിലെ 9 മണിക്ക് ശേഷം കാര്യവിജയം, സൽക്കാരയോഗം, മികച്ച ഭക്ഷണാനുഭവം, അംഗീകാരം, ആരോഗ്യം, സുഹൃത്തുക്കളുമായുള്ള കൂടിക്കാഴ്ച എന്നിവയ്ക്ക് സാധ്യത തെളിയും.
മിഥുനം (മകയിരം രണ്ടാംപകുതി, തിരുവാതിര, പുണർതം ആദ്യ മുക്കാൽഭാഗം): കാര്യങ്ങളിൽ പ്രതീക്ഷിച്ച വിജയം ലഭിക്കാതെ വരാം. പരീക്ഷകളിലും വിദ്യാഭ്യാസവുമായി ബന്ധപ്പെട്ട ശ്രമങ്ങളിലും തിരിച്ചടികൾ നേരിടാൻ സാധ്യതയുണ്ട്. പുതിയ കോഴ്സുകളിലേക്കുള്ള പ്രവേശനശ്രമങ്ങൾ വൈകുകയോ തടസ്സപ്പെടുകയോ ചെയ്യാം.
കർക്കടകം (പുണർതം അവസാന കാൽഭാഗം, പൂയം, ആയില്യം): രാവിലെ വരെ കാര്യവിജയത്തിനും പരീക്ഷാവിജയത്തിനും അംഗീകാരത്തിനും സാധ്യതയുണ്ട്. എന്നാൽ രാവിലെ 9 മണിക്ക് ശേഷം കാര്യതടസ്സം, ആരോഗ്യപ്രശ്നങ്ങൾ, യാത്രാവൈകല്യം, സാമ്പത്തിക നഷ്ടം എന്നിവ ശ്രദ്ധിക്കേണ്ടിവരും.
ചിങ്ങം (മകം, പൂരം, ഉത്രം ആദ്യ കാൽഭാഗം): ദിവസത്തിന്റെ തുടക്കത്തിൽ കാര്യപരാജയം, കലഹസാധ്യത, അഭിമാനക്ഷതം, മാനസിക വിഷമം എന്നിവ ഉണ്ടാകാം. രാവിലെ 9 മണിക്ക് ശേഷം സ്ഥിതിഗതികൾ അനുകൂലമായി മാറി കാര്യവിജയവും സ്ഥാനലാഭവും പ്രതീക്ഷിക്കാം.
കന്നി (ഉത്രം അവസാന മുക്കാൽഭാഗം, അത്തം, ചിത്തിര ആദ്യപകുതി): രാവിലെ വരെ കാര്യവിജയം, അംഗീകാരം, ഇഷ്ടഭക്ഷണസമൃദ്ധി എന്നിവ ലഭിക്കും. എന്നാൽ 9 മണിക്ക് ശേഷം ധനനഷ്ടം, കാര്യതടസ്സം, മനഃപ്രയാസം, ശരീരക്ഷതം, അഭിമാനക്ഷതം എന്നിവ ശ്രദ്ധിക്കണം.
തുലാം (ചിത്തിര രണ്ടാംപകുതി, ചോതി, വിശാഖം ആദ്യ മുക്കാൽഭാഗം): ദിവസാരംഭത്തിൽ കാര്യതടസ്സം, യാത്രാബുദ്ധിമുട്ട്, ഉദരസംബന്ധമായ അസ്വസ്ഥത, പരീക്ഷകളിൽ പ്രതികൂല സാഹചര്യം എന്നിവ കാണാം. രാവിലെ 9 മണിക്ക് ശേഷം കാര്യവിജയം, സൽക്കാരയോഗം, മികച്ച ഭക്ഷണയോഗം, ആരോഗ്യം എന്നിവ അനുകൂലമാകും.
വൃശ്ചികം (വിശാഖം അവസാന കാൽഭാഗം, അനിഴം, തൃക്കേട്ട): രാവിലെ കാര്യവിജയം, പരീക്ഷാവിജയം, സന്തോഷകരമായ അനുഭവങ്ങൾ എന്നിവ ലഭിക്കും. എന്നാൽ 9 മണിക്ക് ശേഷം കാര്യതടസ്സം, യാത്രാബുദ്ധിമുട്ട്, ഉദരവൈഷമ്യം, അനാവശ്യ ചെലവുകൾ, മാനസിക സമ്മർദം എന്നിവ ഉണ്ടാകാം.
ധനു (മൂലം, പൂരാടം, ഉത്രാടം ആദ്യ കാൽഭാഗം): കാര്യവിജയം, മത്സരവിജയം, അംഗീകാരം, തൊഴിൽരംഗത്തെ നേട്ടം, ശത്രുക്കളിൽ മേൽക്കൈ എന്നിവയ്ക്ക് സാധ്യതയുണ്ട്. തൊഴിൽ അന്വേഷിക്കുന്നവർക്ക് അനുകൂല വാർത്ത ലഭിക്കാം.
മകരം (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യപകുതി): രാവിലെ കാര്യതടസ്സം, ധനകാര്യപ്രശ്നങ്ങൾ, യാത്രാപരാജയം, ഉദരസംബന്ധമായ അസ്വസ്ഥത എന്നിവ ഉണ്ടാകാം. എന്നാൽ 9 മണിക്ക് ശേഷം കാര്യവിജയം, അംഗീകാരം, നിയമകാര്യങ്ങളിൽ നേട്ടം, വിജയകരമായ യാത്ര, ആരോഗ്യവർധനം എന്നിവ പ്രതീക്ഷിക്കാം.
കുംഭം (അവിട്ടം രണ്ടാംപകുതി, ചതയം, പൂരുരുട്ടാതി ആദ്യ മുക്കാൽഭാഗം): ദിവസത്തിന്റെ ആദ്യഘട്ടത്തിൽ കാര്യപരാജയം, നഷ്ടസാധ്യത, അപകടഭീതി, ശരീരക്ഷതം, പരീക്ഷകളിൽ തിരിച്ചടി എന്നിവ കാണാം. രാവിലെ 9 മണിക്ക് ശേഷം ഗുണദോഷങ്ങൾ ഇടകലർന്ന സാഹചര്യമായിരിക്കും.
മീനം (പൂരുരുട്ടാതി അവസാന കാൽഭാഗം, ഉത്തൃട്ടാതി, രേവതി): രാവിലെ കാര്യവിജയം, സുഹൃത്തുക്കളുമായുള്ള സമാഗമം, ആരോഗ്യനിലയിലെ പുരോഗതി എന്നിവ അനുഭവപ്പെടും. എന്നാൽ 9 മണിക്ക് ശേഷം കാര്യപരാജയം, യാത്രാതടസ്സം, നഷ്ടസാധ്യത, അപകടഭീതി, ആഗ്രഹഭംഗം എന്നിവ ശ്രദ്ധിക്കേണ്ടിവരും.