വ്യാഴമാറ്റം 2026; അവയുടെ പരിഹാരമാര്ഗ്ഗങ്ങള്
2026 ജൂണ് 2 ന് ഗുരു മിഥുനത്തില് നിന്ന് കര്ക്കിടകത്തിലേക്ക്(ഉച്ചസ്ഥാനം) പ്രവേശിക്കുന്നത് വളരെ മഹത്തായ ഗോചരമാണ്. ഈ ഗതിയിലൂടെ വ്യക്തികളുടെ ജീവിതത്തില് ആത്മീയവും ഭൗതികവുമായ വലിയ മാറ്റങ്ങള് സംഭവിക്കും. ഗുരുവിന്റെ 5, 7, 9 ദൃഷ്ടികള് മറ്റ് ഭാവങ്ങളെ ശക്തിപ്പെടുത്തുന്നതിനാല്, പലര്ക്കും തടസ്സങ്ങള് മാറി പുതിയ അവസരങ്ങള് തുറക്കപ്പെടും.
വ്യാഴമാറ്റം 2026; അവയുടെ പരിഹാരമാര്ഗ്ഗങ്ങള്
തീയതി: 02 ജൂണ് 2026
സമയം: പുലര്ച്ചെ(സൂക്ഷ്മസമയം പഞ്ചാംഗം അനുസരിച്ച് വ്യത്യാസപ്പെടാം)
മിഥുനത്തില് നിന്ന്- കര്ക്കിടകത്തിലേക്ക് പ്രവേശനം . ഉച്ചസ്ഥാനം
ആമുഖം
ജ്യോതിഷശാസ്ത്രത്തില് ഗുരു(ബൃഹസ്പതി) സ്ഥാനം വളരെ പ്രധാനപ്പെട്ടതാണ്. 'സര്വ്വഗ്രഹേഷു ഗുരു ശ്രേഷ്ഠ' എന്ന ആശയപ്രകാരം ഗുരുവിന്റെ അനുഗ്രഹം ലഭിച്ചാല് എല്ലാ ഗ്രഹങ്ങളും അനുകൂലമാകുന്നു. ജ്യോതിഷശാസ്ത്രത്തില് നവഗ്രഹങ്ങളില് ഏറ്റവും ശുഭഗ്രഹമായി കണക്കാക്കപ്പെടുന്നത് ഗുരു(ബൃഹസ്പതി) ആണ്. വിദ്യ, ധനം, വിവാഹം, സന്താനം, ധാര്മ്മികത, ധര്മ്മം, ജ്ഞാനം, സമൃദ്ധി എന്നിവയുടെ കര്ത്താവാണ് ഗുരു. 'ഗുരു നോക്കിയാല് കോടി നന്മ' എന്ന പ്രചാരപ്രസിദ്ധമായ വാക്ക് അതിന്റെ മഹത്വം വ്യക്തമാക്കുന്നു.
2026 ജൂണ് 2 ന് ഗുരു മിഥുനത്തില് നിന്ന് കര്ക്കിടകത്തിലേക്ക്(ഉച്ചസ്ഥാനം) പ്രവേശിക്കുന്നത് വളരെ മഹത്തായ ഗോചരമാണ്. ഈ ഗതിയിലൂടെ വ്യക്തികളുടെ ജീവിതത്തില് ആത്മീയവും ഭൗതികവുമായ വലിയ മാറ്റങ്ങള് സംഭവിക്കും. ഗുരുവിന്റെ 5, 7, 9 ദൃഷ്ടികള് മറ്റ് ഭാവങ്ങളെ ശക്തിപ്പെടുത്തുന്നതിനാല്, പലര്ക്കും തടസ്സങ്ങള് മാറി പുതിയ അവസരങ്ങള് തുറക്കപ്പെടും.
2026 ല് നടക്കുന്ന ഗുരു ഗോചരം വളരെ പ്രധാനപ്പെട്ടതാണ്. കാരണം ഗുരു ഉച്ചരാശിയായ കര്ക്കിടകത്തിലേക്ക് പ്രവേശിക്കുന്നു.
ഗുരുവിന്റെ ഗമനഘട്ടങ്ങള്
. 02/06/2026-31/10/2026: കര്ക്കിടകത്തില്(നേരഗതി)
. 31/10/2026-24/01/2027: സിംഹത്തിലേക്ക് അതിചാരഗതി
. 13/12/2026-13/04/2027: വക്രഗതി
. 24/01/2027 ശേഷം: വീണ്ടും കര്ക്കിടകത്തിലേക്ക് മടങ്ങിവരുന്നു.
മൊത്തത്തില് ഏകദേശം 305 ദിവസത്തോളം ഗുരു കര്ക്കിടകത്തില് സഞ്ചരിക്കുന്നു.
ജ്യോതിഷപ്രാധാന്യം
കര്ക്കിടകം ഗുരുവിന്റെ ഉച്ചരാശിയായതിനാല് ഈ ഗോചരം അതിവിശേഷമാണ്. ചന്ദ്രനുമായി ചേര്ന്നാല് ഗജകേസരി യോഗം രൂപപ്പെടുന്നു. 5, 7, 9 ദൃഷ്ടികളിലൂടെ മറ്റുരാശികള്ക്കും ശുഭഫലങ്ങള് ലഭിക്കും. അതിനാല് പലര്ക്കും വിവാഹയോഗം, സന്താനഭാഗ്യം, ജോലി/പദവി ഉയര്ച്ച, സാമ്പത്തിക പുരോഗതി, മാനസിക സമാധാനം, കുടുംബസുഖം എന്നിവ വര്ദ്ധിക്കും. ആത്മീയവളര്ച്ചയും ഗുരുകൃപയും ഈ കാലഘട്ടത്തില് ശക്തമായി അനുഭവപ്പെടും.
വ്യാഴമാറ്റസമയത്ത് സാധാരണയായി ചെയ്യേണ്ട പരിഹാരങ്ങള്
മേടം രാശി- ഗുരു 4-ാം ഭാവം(ചതുര്ത്ഥസ്ഥാനം)
പരിഹാരം
വിഷ്ണുസഹസ്രനാമം ദിവസേന ജപിക്കുക. ഗുരുഗായത്രി മന്ത്രം(ഓം ഗ്രാം ഗ്രീം ഗ്രൗ സഃ ഗുരവേ നമഃ) ജപിക്കുക. വ്യാഴാഴ്ച വ്രതം ആചരിക്കുക. മാതൃസേവനം നിര്ബന്ധമായി ചെയ്യുക. മഞ്ഞവസ്ത്രം ധരിക്കുകയും മഞ്ഞള്, കടല/പരിപ്പ് എന്നിവ ദാനം ചെയ്യുകയും ചെയ്യുക. ഗ്രഹശാന്തി ഹോമം നടത്തുക. നവഗ്രഹപൂജയും ഗുരുശാന്തി ഹോമവും നടത്തുക. അന്നദാനം ചെയ്യുക. കുടുംബത്തില് സൗഹൃദം നിലനിര്ത്താന് വിനയം പാലിക്കുക. ധ്യാനം, പ്രാര്ത്ഥന വഴി മനസ്സ് ശാന്തമാക്കുക. ദൈവവിശ്വാസവും ക്ഷമയും പാലിക്കുന്നത് ദോഷഫലങ്ങള് കുറയ്ക്കാന് സഹായകരമാണ്.
ഇടവം രാശി - ഗുരു 3-ാം ഭാവം
പരിഹാരം
ഗുരു ഗായത്രി മന്ത്രം(ഓം ഗ്രാം ഗ്രീം ഗ്രൗം സഃ ഗുരവേ നമഃ) ദിവസേന ജപിക്കുക. വ്യാഴാഴ്ച വ്രതം ആചരിക്കുക ഹനുമാന് ആരാധനചെയ്യുന്നത് ധൈര്യം വര്ദ്ധിപ്പിക്കും. വിഷ്ണുസഹസ്രനാമം പാരായണം ചെയ്യുക. മഞ്ഞവസ്ത്രം ധരിക്കുകയും കടല/പരിപ്പ്, മഞ്ഞള് എന്നിവ ദാനം ചെയ്യുകയും ചെയ്യുക. സഹോദരബന്ധം സംരക്ഷിക്കാന് വിനയം പാലിക്കുക. നവഗ്രഹ പൂജയും ഗുരുശാന്തിഹോമവും നടത്തുക. വിദ്യാര്ത്ഥികള്ക്ക് പഠനോപകരണങ്ങള് ദാനം ചെയ്യുക. സത്സംഗത്തില് പങ്കെടുക്കുക. ധാര്മ്മിക പ്രവര്ത്തനങ്ങളില് ഏര്പ്പെടുക- ക്ഷമയും സ്ഥിരതയും പാലിക്കുന്നത് ഈ കാലഘട്ടത്തില് വിജയത്തിനായി പ്രധാനമാണ്.
മിഥുനം രാശി- ഗുരു 2-ാം ഭാവം
പരിഹാരം
വാക്ക് നിയന്ത്രണം പാലിക്കുക. ഏറ്റവും പ്രധാനമാണ് വിഷ്ണുസഹസ്രനാമം നിത്യമായി ജപിക്കുക. ഗുരുഗായത്രി മന്ത്രം ജപിക്കുക. വ്യാഴാഴ്ച മഞ്ഞവസ്ത്രം ധരിക്കുകയും കടല/പരിപ്പ്, മഞ്ഞള് എന്നിവ ദാനം ചെയ്യുകയും ചെയ്യുക. അന്നദാനം നടത്തുന്നത് ധനസ്ഥിരത വര്ദ്ധിപ്പിക്കും. കുടുംബാംഗങ്ങളുമായി സൗഹൃദപരമായി പെരുമാറുക. നവഗ്രഹപൂജയും ഗുരുശാന്തി ഹോമവും നടത്തുക. ധാര്മ്മിക ഗ്രന്ഥങ്ങള് വായിക്കുകയും സത്സംഗത്തില് പങ്കെടുക്കുകയും ചെയ്യുക. ഭക്ഷണത്തില് നിയന്ത്രണം പാലിക്കുക. ആരോഗ്യശ്രദ്ധ നല്കുക. വിനയവും സത്യമുള്ള വാക്കുകളും ഈ കാലഘട്ടത്തില് ഏറ്റവും നല്ല പരിഹാരങ്ങളാണ്.
കര്ക്കിടകം രാശി- ജന്മഗുരു(1-ാം ഭാവം)
പരിഹാരം
ഗുരുഗായത്രി മന്ത്രം(ഓം ഗ്രാം ഗ്രീം ഗ്രൗ സഃ ഗുരവേ നമഃ) ദിവസേന ജപിക്കുക. വിഷ്ണു സഹസ്രനാമം പാരായണം ചെയ്യുക. വ്യാഴാഴ്ചവ്രതം ആചരിക്കുക. മഞ്ഞവസ്ത്രം ധരിക്കുകയും മഞ്ഞവസ്തുക്കള്(കടല, മഞ്ഞള്) ദാനം ചെയ്യുകയും ചെയ്യുക. ഗണപതി ആരാധനയും ഗുരുശാന്തി ഹോമവും നിര്ബന്ധമായി ചെയ്യുക. ഗുരുവായൂര് ക്ഷേത്രദര്ശനം നടത്തി പ്രാര്ത്ഥിക്കുക. ബ്രാഹ്മണഭക്ഷണം, അന്നദാനം, വിദ്യാദാനം എന്നിവ നടത്തുക. സത്സംഗം പാലിക്കുക. ധാര്മ്മികപ്രവര്ത്തനങ്ങളില് പങ്കാളിയാകുക. ഗുരുഭക്തിയും വിനയവും പാലിക്കുന്നത് ദോഷഫലങ്ങള് കുറയ്ക്കാന് സഹായകരമാണ്.
ചിങ്ങം രാശി- ഗുരു 12-ാം ഭാവം (വ്യയസ്ഥാനം)
പരിഹാരം
വിഷ്ണുസഹസ്രനാമം ദിവസേന ജപിക്കുക. ഗുരുഗായത്രി മന്ത്രം ജപിക്കുക. വ്യാഴാഴ്ചവ്രതം ആചരിച്ച് മഞ്ഞവസ്ത്രം ധരിക്കുക. മഞ്ഞള്, കടല/പരിപ്പ്, വാഴപ്പഴം എന്നിവ ദാനം ചെയ്യുക. അന്നദാനം, ദരിദ്രസേവനം എന്നിവ ചെയ്യുന്നത് ദോഷഫലങങള് കുറയ്ക്കും. നവഗ്രഹ പൂജയും ഗുരുശാന്തി ഹോമവും നടത്തുക. ധ്യാനം, പ്രാണായാമം എന്നിവ വഴി മനസ്സ് ശാന്തമാക്കുക. അനാവശ്യ ചെലവുകള് നിയന്ത്രിക്കുക. സാമ്പത്തികനിയന്ത്രണം പാലിക്കുക. ആത്മീയഗ്രന്ഥങ്ങള് വായിക്കുക. സത്സംഗത്തില് പങ്കെടുക്കുക. വിനയം, ക്ഷമ, ദൈവവിശ്വാസം എന്നിവ പാലിക്കുന്നത് ഈ കാലഘട്ടത്തില് ഏറ്റവും പ്രധാന പരിഹാരങ്ങളാണ്.
കന്നിരാശി- ഗുരു 11-ാം ഭാവം (ലാഭസ്ഥാനം)
പരിഹാരം
സത്സംഗം പാലിക്കുകയും നല്ല സുഹൃത്തുക്കളുടെ കൂട്ടത്തില് മാത്രം ഇടപെടുകയും ചെയ്യുക. മഞ്ഞവസ്ത്രം ധരിക്കുക. കടല/പരിപ്പ്, മഞ്ഞള് എന്നിവ ദാനം ചെയ്യുക. അന്നദാനം, വിദ്യാദാനം ചെയ്യുന്നത് ശുഭഫലം വര്ദ്ധിപ്പിക്കും. നവഗ്രഹപൂജയും ഗുരുശാന്തി ഹോമവും നടത്തുക. ആഗ്രഹങ്ങള് നിയന്ത്രിച്ച് വിനയം പാലിക്കുക. സാമ്പത്തിക നിയന്ത്രണം പാലിക്കുക. ആരോഗ്യശ്രദ്ധ നല്കുക. ധാര്മ്മികപ്രവര്ത്തനങ്ങളില് പങ്കെടുക്കുക.
തുലാം രാശി- ഗുരു 10-ാം ഭാവം (കര്മ്മസ്ഥാനം)
പരിഹാരം
ഗുരുഗായത്രിമന്ത്രം(ഓം ഗ്രാം ഗ്രീം ഗ്രൗം സഃ ഗുരവേ നമഃ) ദിവസേന ജപിക്കുക. വിഷ്ണുസഹസ്രനാമം പാരായണം ചെയ്യുക. വ്യാഴാഴ്ച വ്രതം ആചരിക്കുക. നവഗ്രഹപൂജയും ഗുരുശാന്തി ഹോമവും നിര്ബന്ധമായി നടത്തുക. മഞ്ഞവസ്ത്രം ധരിക്കുകയും മഞ്ഞള്, കടല/പരിപ്പ് എന്നിവ ദാനം ചെയ്യുകയും ചെയ്യുക. മേലധികാരികളോട് വിനയം പാലിക്കുക. ധാര്മ്മികമായ പ്രവര്ത്തനം തുടരുക. അന്നദാനം, സേവനപ്രവര്ത്തനം എന്നിവ ചെയ്യുക. സത്സംഗത്തില് പങ്കെടുക്കുക. തൊഴില് മേഖലയില് സഹിഷ്ണുതയും സ്ഥിരതയും പാലിക്കുക. ധ്യാനം, പ്രാര്ത്ഥന എന്നിവ വഴി മനസ്സ് ശാന്തമാക്കുന്നത് ദോഷഫലങ്ങള് കുറയ്ക്കാന് സഹായകരമാണ്.
വൃശ്ചികം രാശി- ഗുരു 9-ാം ഭാവം (ഭാഗ്യസ്ഥാനം)
പരിഹാരം
പിതൃകര്മ്മങ്ങള് നിര്വ്വഹിക്കുകയും പിതൃതര്പ്പണം നടത്തുകയും ചെയ്യുക. മഞ്ഞവസ്ത്രം ധരിക്കുകയും മഞ്ഞള്, കടല/പരിപ്പ് എന്നിവ ദാനം ചെയ്യുകയും ചെയ്യുക. ഗുരുസേവനം ചെയ്യുക. അധ്യാപകര്ക്ക് ആദരം നല്കുക. നവഗ്രഹപൂജയും ഗുരുശാന്തി ഹോമവും നടത്തുക. ധാര്മ്മിക യാത്രകള് നടത്തുക. സത്സംഗത്തില് പങ്കെടുക്കുക. വിനയം പാലിക്കുക. അഹങ്കാരം ഒഴിവാക്കുക. ധ്യാനം, ജപം എന്നിവയിലൂടെ ആത്മീയശക്തി വര്ദ്ധിപ്പിക്കുന്നത് ദോഷഫലങ്ങള് കുറയ്ക്കാന് സഹായകരമാണ്.
ധനുരാശി- ഗുരു 8-ാം ഭാവം (അഷ്ടമസ്ഥാനം)
പരിഹാരം
മഹാമൃത്യുഞ്ജയ ഹോമം ദിവസേന ജപിക്കുക. ഗുരു ഗായത്രി മന്ത്രം(ഓം ഗ്രാം ഗ്രീം ഗ്രൗം സഃ ഗുരവേ നമഃ) ജപിക്കുക. വിഷ്ണു സഹസ്രനാമം പാരായണം ചെയ്യുക. വ്യാഴാഴ്ച വ്രതം ആചരിക്കുക. നാഗപൂജ നടത്തുക. മഞ്ഞവസ്ത്രം ധരിക്കുകയും മഞ്ഞള്, കടല/പരിപ്പ് എന്നിവ ദാനം ചെയ്യുകയും ചെയ്യുക. നവഗ്രഹപൂജയും ഗുരുശാന്തിഹോമവും നിര്ബന്ധമായി നടത്തുക. അന്നദാനം, ഔഷധദാനം എന്നിവ ചെയ്യുക. അപകടസാധ്യതയുള്ള കാര്യങ്ങളില് ജാഗ്രത പാലിക്കുക. ധ്യാനം, യോഗ എന്നിവ വഴി മാനസിക സമാധാനം നിലനിര്ത്തുക. ഗുരുഭക്തിയും ആത്മവിശ്വാസവും പാലിക്കുന്നത് ദോഷഫലങ്ങള് കുറയ്ക്കാന് സഹായകരമാണ്.
മകരം രാശി- ഗുരു 7-ാം ഭാവം (സപ്തമസ്ഥാനം)
പരിഹാരം
ദാമ്പത്യബന്ധം സംരക്ഷിക്കാന് തുറന്ന ആശയവിനിമയം പാലിക്കുക. വിവാഹബന്ധത്തില് വിശ്വാസം, സഹിഷ്ണുത എന്നിവ വളര്ത്തുക. അന്നദാനം, സേവനപ്രവര്ത്തനം എന്നിവ ചെയ്യുക. സത്സംഗത്തില് പങ്കെടുക്കുക. ധ്യാനം, പ്രാര്ത്ഥന എന്നിവ വഴി മനസ്സ് ശാന്തമാക്കുക. വിനയവും ധാര്മ്മികതയും പാലിക്കുക.
കുംഭം
രാശി- ഗുരു 6-ാം ഭാവം (ഷഷ്ടസ്ഥാനം)
പരിഹാരം
ഹനുമാന് ആരാധന നിര്ബന്ധമായി ചെയ്യുക. ഹനുമാന്ചാലീസ പാരായണം ചെയ്യുക. ഗുരു ഗായത്രിമന്ത്രം(ഓം ഗ്രാം ഗ്രീം ഗ്രൗം സഃ ഗുരവേ നമഃ) ദിവസേന ജപിക്കുക. വിഷ്ണുസഹസ്രനാമം പാരായണം ചെയ്യുക. വ്യാഴാഴ്ചവ്രതം ആചരിക്കുക. മഞ്ഞവസ്ത്രം ധരിക്കുകയും മഞ്ഞള്, കടല/പരിപ്പ് എന്നിവ ദാനം ചെയ്യുകയും ചെയ്യുക. നവഗ്രഹപൂജയും ഗുരുശാന്തി ഹോമവും നടത്തുക. അന്നദാനം, ഔഷധദാനം എന്നിവ ചെയ്യുക.
ആരോഗ്യസംരക്ഷണത്തിന് യോഗ, പ്രാണായാമം ചെയ്യുക. ശത്രുക്കളോട് വിവേകം പാലിക്കുക. തര്ക്കങ്ങള് ഒഴിവാക്കുക. സേവനപ്രവര്ത്തനങ്ങളില് ഏര്പ്പെടുന്നത് ദോഷഫലങ്ങള് കുറയ്ക്കാന് സഹായകരമാണ്.
മീനം രാശി- ഗുരു 5-ാം ഭാവം (പഞ്ചമസ്ഥാനം)
പരിഹാരം
വിദ്യാദാനം, അന്നദാനം ചെയ്യുന്നത് വളരെ ശ്രേയസ്കരം, നവഗ്രഹപൂജയും ഗുരുശാന്തി ഹോമവും നടത്തുക. പഠനത്തില് ഏകാഗ്രത വര്ദ്ധിപ്പിക്കാന് ധ്യാനം ചെയ്യുക. പ്രണയബന്ധങ്ങളില് വിനയം പാലിക്കുക. ഗുരുഭക്തിയും ധാര്മ്മിക ജീവിതവും പാലിക്കുന്നത് ദോഷഫലങ്ങള് കുറയ്ക്കാന് സഹായകരമാണ്.